يا بنااااات مصلى النشاط خلاص ما عاد يكفي والله عيب !

بسم الله الرحمن الرحيم

السلام عليكم ورحمة الله وبركاته

بنااات الله يرضى عليكم انتوا خوووش بنات ومثقفات وجامعيات وقبل هذا كله مسلمات اتعرفون واجباتكم لدينية وفروضكم

ليش تتيمعون في المصلى ليش ابي اعرف ( مصلى النشاط ) هل تقرون قرآن لا ..
هل تذكرون الله ..لا

طيب الكراسي اللي اشكثرها برى المصلى فوق وتحت النشاط ليش ما تقعدون عليها

يعني زولية المصلى خلوها للإنبطاح والانشكاح والسوالف

كم مره بغيت اصلي بخشوع ماقدرت
اتمنى اصلي يدام في الصفوف الامامية ماقدر

شلل على اليمين وشلل على اليسار وشلل اخر المصلى ورانا واذا صلينا لازم يدامنا على الأقل رفع طابوقه وارفع علشان تصح الصلاة شنسوي شنييب علشان ما انتهاوش وياكم

يا بنات الشي اللي اتسوونه ما يرضى الله ورسوله

هذي بيوت الرحمن ....بيوت الله ما يجوز اللي اتسونه هناك

سوالف وضحك وغشمره وابحاث تزعج المصلين وتخلي بالعشرات ينطرون برى

عاد سوو نص اشغالكم في البيوت ولا على طاولات النشاط شكثرها فاضية محد ياكل عليها ولا شي

بيوت الله يذكر فيها اسم الله ويعبد فيه عز وجل وفيها تقام الصلاة ولازم تكووون نظيفة وهادئة وبعيدة كل البعد عن اللي يصير الحين

يعني الله يرضى عليكم شوفوا لنا حل ....ترى والله حتى حنا ما نرقد في بيوتنا يا يهال يا ظروف صعبة يا امتحانات بس تقديرا لبيت الله وتعظيما له ما انيي ننبطح فيه ونرقد بالساعات

ويا الشلل اللي صوب يسار المصلى في النشاط خفوا تجمعاتكم رجاءا ااااا صار هالمكان محد يصلي فيه والسبة قعدتكم فيها !

الزبدة ....

أبي اصلي في مسيد مب ميلس

رد رئيسة لجنة مصلانا الحبيب بارك الله فيها

اقتباس :: السلام عليكم ورحمة الله وبركاته

حبيبتي ..أعرف شعورك ...و رسالتك وصلت
بس مش كل البنات اللي بيجلسوا بالمصلى هم بنات المصلى ( يعني ما بيصير تعممي و لا تظلمي الكل)

و احنا بلجنة المصلى اكتر من مليون مرة ننبه على البنات ...بالذات الشلل...ورح يكون بإذن الله لنا تصرف آخر بالموضوع

بعدين ليش ما كلمتيهم على طول ...كلميهم مرة مرتين ثلاث ...و اذا ما نفع بتخبري المسؤولات بلجنة المصلى mosallana@hotmail.com

بس رسالتك وصلت عزيزتي...و الله يجزيك الخير...

*أما عن النوم فبشوف من رأيي انه مش مشكلة الوحدة تنام في وقت غير اوقات الصلاة و في مكان بعيد عن القبلة ...لأنه المسجد او المصلى كان في زمن الرسول صلى الله عليه وسلم لكل شيء... لاجتماعاتهم لتخطيطاتهم ...الخ
و الله اعلم..
أما عن الدراسة و أنه كل بنت تفرش كتبها على الأرض فهاي معك حق فيها...
الله يجزيك الخير ....رح نقوم بما نراه مناسبا بإذن الله ...و الله الموفق