حقائق ونظريات

نظريات وحقائق



قانون الاصطفاف : إذا صاف في طابور بطيء وقمت غيرت الطابور،

طابورك اللي غيرته فجأة يصير يمشي أسرع من اللي انت الحين فيه . وجرب شوف .


قانون التلفون : عمرك ما تتصل على رقم غلط ويطلع مشغول . مستحييييييل .


قانون التصليح : بعد ما إيدك تتزيت وتتوسخ من الشحم ودهن الماكينة، لازم تحس بحكه في خشمك .


قانون المعدات : إذا طاح من إيدك أي شي، تأكد انه بيظل يتـدحرج إلى أن يوصل لألعن مكان ما تقدر تطلعه منه .


قانون الأعذار : إذا تأخرت عن الدوام وقلت لرئيسك أن كان عندك بنشر، اليوم اللي بعده لازم بيستوي في سيارتك شيء .


قانون المسبح: بعد وضع جسمك في الماء، يبدأ التلفون يرررررن وما يسكت .


قانون الالكترونيات : إذا أخذت جهاز عند مصلح تريد توريه انه ما يشتغل وفيه مشكله ، حزتها بيشتغل عنده ولا كأنه فيه شيء .


قانون السينما : اللي حاجزين كراسي في النص لازم يجو آخر ناس ويدوسون على رجولك


قانون القهوة : أول ماتجيب لك كاس قهوة ساخن، يجي رئيسك ويعطيك شغلة ما تخلص الا لما تبرد قهوتك .


قانون المصادفات : إذا كنت مع واحد أو وحدة ماتبي حد يشوفك معاهم، فجأة كل اللي تعرفهم يطلعون من كل مكان .


قانون الأقساط : إذا عندك سيارة أو أي سلعة بالأقساط،،، مجرد أن تنتهي الأقساط تخترب على طول .


قانون الزواج : بعد شهرين من زواجك ... يسألونك ها في شي بالطريق ؟؟؟


قانون نهاية الأسبوع : وأنت نايم يوم الجمعة حد النومه تدز أمك أخوك الصغير يغثك لمن تقعد عشان صلاة الجمعه .


قانون المعاش : آخر الشهر لازم كل العزايم والهدايا والطلبات تزيد .


قانون الطقس : لازم بنهاية الاسبوع وانت متحمس بتطلع حدائق أو تروح البر مع الربع لابد يصير الجو فيه هوى

وغبار وحر ورطوبه بمعنى ثاني تصير الفصول الاربعه كلها بيوم واحد


و أخيرا

قانون البحث : إذا حبيت تدور شي معين(ما لاقنه).... معناه أنك كنت كل يوم تشوفه مقابل ويهك , إلا في الساعة اللي محتاجنه ...